نعيما

تم إختراق موقع آية من قبل

Penetrator

X_penetrator_X@hotmail.com

رسالة إلى وزير

اعتنوا شوي بالشعب ... لسا كل واحد عالبارد المستريح بيعمل اللي بدو ياه و مو رايحة غير على هالشعب المسكين ... روحوا شوفو غير بلاد كيف صارت ... بكل الأحوال انا من ناحيتي رح اعمل قدر المستطاع اني أوصل هالرسالة للوزراء و بالقائمة الأولى وزير الإتصالات اللي صاير همو الوحيد يعطي تراخيص للشعب و منون محلات الموبايلات و منون مقاهي الإنترنت و لك يا ريت في إنترنت

بس عيب الخدمة هي لازم تكون بمستوى الدفع و لكن لابالبريد ماشي الحال و لا بآية ولا بأي مزود إنترنت تاني خلاص قولولنا نكب فلسونا بالزبالة و منخلص وبلا انترنت وبلا شي ليش تصحكو على الناس

ما حدا يحكي عن الوطنية و أنو الشعب ما بيقدر ... الشعب السوري أشرف شعب و بعتقد لحد هاللحظة كل الشعب كافح .. لك بيكفي لسا في ناس عندها أمل بالبلد .. روحو شوفو نسبة الهجرة ببلاد تانية

ما دام السيد وزير الإتصالات عم ينزل بمستوى خطوط الإنترنت بدل ما كان يروح يظبط العقد مع الشركة الصينية أو الكورية .. خلاص معناها ما في داعي لكل هالمواقع و الشعارات اللي بيحكو فيها .. و سيريانيوز يسجل

و بالنسبة لباقي مزودي خدمة الإنترنت يا ريت تحسنو الخدمات و تجهزوا حالكون للإختراق يعني مافي حدا على راسو خيمة

أتقدم بهذه الرسالة لكل مواطن سوري يعمل بالمجال التقني .. لا تثق بأي أحد ولا بأي مزود خدمة إنترنت

انا كنت قادر بإني اعمل فايرس يصيب أجهزة الزوار بس الشعب مالو دخل بسوء الخدمة و ما عليهون حق بإنو عم يحطو ثقتهم بناس ما عرفانين بالمجال التقني

و بحب أطمن المسجلين بموقع آية بإعتبار أنتو مالكون دخل ... انا ما رح استخدم لا كلمات مرور ولا حساباتكون ولا ايميلاتكون .. انا مالي طمعة غير بتوصيل هالرسالة للمسؤولين

إن شاء الله كل يوم رح أهزللك بدنك و أخليك تشوفني بمنامك متل ما كل ساعة بتهزلي بدني لما بكون عندي تحميل أو شغل عالإنترنت و لنشوووووف ..

ههههههههههههههه قال آية قال ... لاء وشو .. أول مزود خدمة إنترنت في سوريا ... اي على راسي

بتمنى من الشباب السوريين اللي شافو رسالتي يساعدوني بإرسال كم موقع ممكن أوصل الرسالة من خلالهن